Urime 21 vjetori i dites se Flamurit Kombetar te Ashkalinjve
Urimi nga Kryetari Partisë së Ashkalinjve për Integrim Z.,Hetem Arifit , me rastin e 21 vjetorit të
Të nderuar bashkëkombës Ashkali !
Fillimisht më lejoni që në emrin tim personal dhe të Partisë së Ashkalinjve për Integrim,
të gjithë pjesëtarëve të komunitetit Ashkali, kudo që ata ndodhën jetojnë dhe veprojnë
të ju uroj 21 vjetorin e Ditës së Flamurit Kombëtar të Ashkalive,
dhe 16 vjetorin e Pavarësisë së Republikës së Kosovës.
Faleminderit shumë Qeverisë së Republikës së Kosovës dhe
Komunave, për mbështetjen e saj në realizimin e eventeve festive
për të kremtuar bashkë ditën tonë më të veçantë në historinë tonë
kombëtare Ditën e Flamurit Kombëtar të Ashkalive.
Sot bëhen 21 vjet kur Ashkalinjt e Kosovës dhe Evropës, më 15
shkurt 2003, mbajtën kongresin e tyre në Prishtinë dhe shpallën
Flamurin e tyre kombëtar, për ti dhënë emër, mbiemër, identitet,
e simbol kombëtar popullit tonë.
Ashkalinjt ishin dhe mbeten aleatët më të afërt të popullit shqiptar,
kanë kontribuar në të gjitha proceset shtet ndërtuese, për liri,
demokraci, pavarësi e shumë procese tjera me rëndësi që ka
kaluar shteti ynë.
Ne do të vazhdojmë të kontribuojmë edhe ne procese tjera që e
presin vendin tonë, për të mirën e atdheut, dhe qytetarëve të saj
pa dallim, të gjitha këto suksese i kemi arritur bashkë, si pjesë e
pandashme e Institucioneve të vendit.
Ashkalinjt shpesh herë kanë sakrifikuar vetën kur kanën qenë në
pyetje interesat shtetërore kur është bërë fjalë për komunitete jo
shumicë, kanë gëzuar mbështetjen e institucioneve, por mendoj
që Ashkalinjt duhet të gëzojnë mbështetje më të madhe nga
institucionet e vendit krahas kërkesave dhe nevojave që i kanë,
dhe të marrin trajtimin e shpërblimin e tyre që i takon.
Republika e Kosovës, është ndër shtetet më përparimtare në
respektimin e të drejtave të komuniteteve, të drejta këto të
garantuara në aktin më të lartë juridik në vend, kushtetutën e
Republikës së Kosovës, dhe të gjitha akteve tjera nënligjore, me
të cila të drejta ka përcjellë shembullin më të mirë të integrimit,
demokracisë, bashkëjetesës, duke i dhënë të drejtën çdo
përkatësie etnike për të shprehur lirshëm vlerat, kulturën, traditën,
dhe duke garantuar përfaqësimin e tyre në të dy nivelet
qeverisëse, të drejta këto dhe privilegje që nuk i ka asnjë shtet
tjetër, përveç Republikës së Kosovës.
Mbesim të përkushtuar që bashkë me Institucionet e Republikës
së Kosovës, ti ruajmë këto vlera , e të vazhdojmë të punojmë për
progres e sukses më të madh.
Urojmë që përvjetor të ardhshëm të na gjejnë , me suksese e të
arritura më të larta. Me respekt Kryetari i PAI-së Hetem Arifi.